Ibilbidea Garden hasten da, ehun urtetik gorako intxaurrondoan, eta herri osoa zeharkatzen du Ansorako norabidean. Kilometro bat egin ondoren, abeltzaintza-nabe baten parean, pista bat hartuko dugu ezkerretara, eta Ganbuluzea sakanean gora eginen dugu Zuberoako ermitaraino. Hortik bidexka dibertigarri batetik jaitsiko gara NA-176 errepidera (bidean kontuz ibiltariekin!). Ondoren, Matamachos gaineraino igo eta Sukondoiatik jaitsiko gara; jaitsiera pikua pinuen eta behatokien artean. Behin ibarrean gaudela, Gardalar erreka zeharkatu eta Gardera itzuliko gara, gora eta behera egiten duen bidexka batetik. Sukondoiako ibilbidea urte osoan gozatu daiteke bere orientazioari eta Arrigorrieta mendilerroaren babesari esker.