Urzainkitik Puntabarrenera doan pista hartuko dugu, eta laster Erronkaritik datorren 9. Ibilbidearekin bat eginen dugu. Bidea gora doa atsedenik gabe La Corona tontorraren iparraldetik. Behin Puntabarrenan gaudela, pistatik eginen dugu Puntatxamarrerainoko gailur-lerroa. Hor jaitsiera hasten da, eta pinuen eta borda zaharren artean La Coronatik igaroko gara. Jaitsieran soilguneak eta orain berreskuratutako bide zaharra tartekatzen dira. Igoerako pista zeharkatu ondoren, jaitsierako azken tartea Zakardatik egin behar da, gozatzeko moduko hainbat peralte dituen eremu batetik.