Larra-Belaguarako bisita prestatzean kontuan hartzeko eta egonaldi atsegina bermatzeko iradokizun eta aholku baliagarri batzuk ematen dizkizugu.
Bidaia hasi baino lehen, informa zaitez errepidearen egoeraz eta eguraldiaren aurreikuspenaz.
Eraman ibilgailua egoera onean eta hartu elurretako kateak edo jarri elurretako pneumatiko bereziak.
Aparkatu ibilgailua horretarako prestatutako tokietan, trafikoari trabarik egin gabe eta beste ibilgailuak ateratzeko tokia utziz.
Kontuz ibilgailuaren eskuko frenuarekin, izotza eginez gero, mekanismoa trabatu egin daitekeelako.
Egin kasu Larra-Belaguako langileen argibideei. Arazoren bat izanez gero, hitz egin gure langileekin, zure esanetara gaude.
Adi, eremu karstikoa da, eta zure segurtasunagatik, ez irten inola ere pisten ibilbidetik, eta ez gerturatu seinalatutako amildegietara, abisatutako mugak eta seinaleak igarota.
Ahal dela ez molestatu gainerako erabiltzaileei, eta erabili zure mailarako egokiak diren pistak.
Larra-Belaguan, iraupen-eskia egiteko ekipamendu osoa (eskiak, botak eta makilak) aloka dezakezu, baita elur-erraketak eta lerak ere. Ezin dira alokatu kaskoak, betaurrekoak, eskularruak eta abar. Horietako zenbait produktu zentroko dendan eros ditzakezu.
Besteen segurtasunerako eta babestutako gune batean gaudenez, pistetan ezin da sartu animaliarik, gida-txakurrak izan ezik.
